Filipino 1 Sapphire

Ang Filipino 1 ay isang masusing pag-aaral sa wika, na naglalayong linangin ang kasanayan ng mga mag-aaral sa paggamit ng wikang Filipino batay sa mga tuntunin at gamit nito. Tinutukoy at pinag-aaralan ang iba't ibang paksang pangwika, kabilang ang kahulugan, kahalagahan, katangian, tungkulin, antas, at teorya ng wika. Binibigyang-pansin din ang kasaysayan ng wikang pambansa at ang paggamit ng wikang Filipino sa iba’t ibang larangan. Higit pa rito, binibigyang-diin sa kursong ito ang pagkilala sa makabansang identidad na matatagpuan sa mga akdang pampanitikan, gayundin ang pagpapahalaga sa kulturang Pilipino. Sa pamamagitan ng malalim na pag-unawa at masining na paggamit ng wika, naipapakita at naipagmamalaki ng mag-aaral ang kanyang pagiging Pilipino.